ஈழத்தில் வைகோவுக்கு சிலை வைப்போம்! - ஈழக் கவிஞர். காசி ஆனந்தன்

பாப்புலர் ஃபிரண்ட்  ஆப்  இந்தியா, ரெகாப் இந்தியா பவுண்டேஷன், ரெகாப் பவுண்டேஷன், கேம்பஸ் ஃபிரண்ட்  ஆப்  இந்தியா, அனைத்திந்திய இமாம் கவுன்சில், தேசிய மனித உரிமைகள் கூட்டமைப்பு, தேசிய மகளிர் ஃபிரண்ட், ஜூனியர் ஃபிரண்ட் ஆகிய இயக்கங்களுக்கு மத்திய அரசு 5 ஆண்டுகள் தடை விதித்துள்ளது. அதேபோல் எம்பவர் இந்தியா பவுண்டேஷன் அமைப்புக்கும் 5 ஆண்டுகள் தடைவிதித்து மத்திய உள்துறை அமைச்சகம் உத்தரவிட்டுள்ளது. இதனைத் தொடர்ந்து  பாப்புலர் ஃபிரண்ட்  ஆப்  இந்தியா அமைப்பின் அதிகாரப்பூர்வ இணையதள பக்கத்தை மத்திய அரசு முடக்கியுள்ளது. மேலும் அவ்வமைப்பின் டிவிட்டர், பேஸ்புக் உள்ளிட்ட சமூக வலைதள பக்கங்களையும் முடக்க மத்திய அரசு உத்தரவிட்டுள்ளது.

இந்நிலையில் செய்தியாளர்களைச் சந்தித்த மதிமுக பொதுச்செயலாளர் வைகோ, ''ஒன்றிரண்டு இடங்களில் வன்முறை சம்பவங்கள் நிகழ்ந்துள்ளது. ஆனால் மொத்தத்தில் அவர்கள் (பிஃஎப்இ) பொதுவான மக்களுக்கான பணிகளை தான் செய்துவந்தார்கள். மழை, வெள்ள காலங்களில் ஆங்காங்கே சென்று சமூகசேவைதான் செய்து கொண்டிருந்தார்கள். சோசியல் டெமாக்ரடிக் பார்ட்டி ஆப் இந்தியாவை சேர்ந்தவர்கள் சமூக சேவை தான் செய்து கொண்டிருந்தார்கள். ஒன்றிரண்டு இடங்களில் நிகழ்ந்த வன்முறை  சம்பவங்களுக்கு யார் காரணமாக இருந்தாலும் அவர்கள் தண்டிக்கப்பட வேண்டியவர்கள் தான். காவல்துறை நடவடிக்கை எடுத்தது ஒரு அளவில் அது செய்ய வேண்டிய கடமை தான். அதேநேரத்தில் மத வெறியை உண்டு செய்வதை போல் சனாதன சக்திகள் தமிழ்நாட்டில் ஊடுருவி, இதுவரை இருந்து வருகின்ற சமய நல்லிணக்கத்தை சீர்குலைக்கின்ற வேலையில் ஈடுபடுவதையும் நான் கண்டிக்கிறேன்.

சட்ட ஒழுங்கு பிரச்சனைகள் எல்லா காலத்திலும் இருந்து கொண்டு தான் இருக்கிறது. இப்போ மட்டும் என்று இல்லை. இப்போது சமூக நீதியை நிலைநாட்டவும், சமத்துவத்தை நிலை நாட்டுவதற்கும் ஸ்டாலின் மிகச் சிறப்பான ஆட்சியை நடத்தி வருகிறார். மின் கட்டண உயர்வு தவிர்க்க முடியாமல் போய்விட்டது. ஜிஎஸ்டியில் மத்திய அரசு நியாயமாக நடந்து கொள்ளவில்லை. அது ஒரு காரணம் விலைவாசி உயர்வுக்கு. காந்தி பிறந்தநாள் அன்று பேரணி நடத்துவதற்கு ஆர்.எஸ்.எஸ்க்கு  எந்த விதமான தகுதியும் கிடையாது என்பது எனது கருத்து'' என்றார். 

மதிமுக சிறுபான்மைப் பிரிவுச் செயலாளரும், புகாரி ஓட்டல் குழுமங்களின் உரிமையாளர்களில் ஒருவருமான முராத் புகாரி மறைந்தார். இதுதொடர்பாக மதிமுக பொதுச்செயலாளர் வைகோ வெளியிட்ட அறிக்கையில், 'கட்சியின் ஆணிவேர்களில் ஒருவராகத் திகழ்ந்தவர். ஒவ்வொரு ஆண்டும் இஸ்லாமியர்களின் இப்தார் நிகழ்ச்சியை எந்தக் கட்சியிலும் நடத்தாத அளவுக்கு, ஆயிரக்கணக்கான இஸ்லாமியர்கள் பங்கெடுக்கின்ற நிகழ்ச்சியாக நடத்தி வந்தார். மதிமுகவால் 3 நாட்கள் இந்தத் துக்கம் கடைபிடிக்கப்படும். ஏற்பாடு செய்யப்பட்ட நிகழ்ச்சிகள் அனைத்தும் ஒத்தி வைக்கப்படும். 24ம்தேதி அறிவிக்கப்பட்ட இந்தி எதிர்ப்பு ஆர்ப்பாட்டமும் ஒத்தி வைக்கப்படும். அவரை இழந்து வாடும் அவரது குடும்பத்தாருக்கும், நண்பர்களுக்கும் ஆழ்ந்த இரங்கலைத் தெரிவித்துக் கொள்கிறேன்' என தெரிவித்திருந்தார்.

இந்நிலையில் மதிமுக சிறுபான்மை பிரிவு செயலாளர் முராத் புஹாரியின் இறுதி ஊர்வலத்தில் கலந்து கொண்ட வைகோ, துரை வைகோ மற்றும் மல்லை சத்யா ஆகியோர் அவரது உடலை சுமந்தனர்.

கள்ளக்குறிச்சி மாவட்டம், சின்னசேலம் அருகே இயங்கிவரும் சக்தி மெட்ரிக்குலேஷன் பள்ளியில் மாணவி ஒருவர் மர்மமான முறையில் உயிரிழந்தார். இது தொடர்பான செய்திகளை நமது நக்கீரனின் தொடர்ந்து விசாரணை செய்து வெளியிட்டுவருகிறோம். அந்த வகையில் நேற்றும் நமது முதன்மைச் செய்தியாளர் பிரகாஷ் மற்றும் ஒளிப்பதிவாளர் அஜித்குமார் ஆகியோரை பள்ளி தாளாளர் ரவிக்குமாரின் சகோதரர் அருண் சுபாஷ் உட்பட 10 பேர் வழிமறித்து கொலைவெறித் தாக்குதல் நடத்தினர். இந்த வழக்கில் தற்போது 5 பேரை காவல்துறையினர் கைது செய்துள்ளனர். இதற்கு பல்வேறு தரப்பினரும் தங்களது கண்டனங்களைத் தெரிவித்துவருகின்றனர். 

அந்த வகையில், மதிமுக பொதுச்செயலாளர் வைகோ இதற்கு கண்டனம் தெரிவித்து அறிக்கை வெளியிட்டுள்ளார். அதில் அவர், “கள்ளக்குறிச்சி மாவட்டம், சின்னசேலம் அடுத்த கனியாமூர் சக்தி மெட்ரிக்குலேஷன் மேல்நிலைப் பள்ளியில் பிளஸ் 2 பயின்று வந்த மாணவி ஸ்ரீமதி, கடந்த ஜூலை 13ஆம் தேதி பள்ளி வளாகத்தில் மர்மான முறையில் இறந்தார்.

மாணவியின் மரணத்தில் புதைந்து உள்ள மர்மங்களை வெளிக் கொணர்வது பத்திரிகை, ஊடகங்களின் கடமை என்பதால் நக்கீரன் இதழும், ஊடகமும் இதில் மிகுந்த பொறுப்புணர்வுடன் செயற்பட்டு வந்தது. தனியார் பள்ளி மாணவி இறப்பின் பின்னணி குறித்து நக்கீரன் இதழின் மூத்த செய்தியாளர் பிரகாஷ் ஆய்வு செய்து பல தகவல்களை மக்கள் முன் வைத்தார்.

இந்நிலையில், கள்ளக்குறிச்சி சென்று மேலும் புலனாய்வில் ஈடுபட்ட நக்கீரன் பத்திரிகையின் மூத்த பத்திரிகையாளர் பிரகாஷ் மற்றும் ஒளிப்பட கலைஞர் அஜித்குமார் ஆகியோர் மீது ஒரு கும்பல் கொலைவெறித் தாக்குதல் நடத்தி இருப்பது கடும் கண்டனத்துக்கு உரியதாகும். அவர்கள் சென்ற மகிழுந்தை 15 கி.மீ. தூரம் விரட்டிச் சென்று தலைவாசல் அருகே தடுத்து நிறுத்தி கொடூரத் தாக்குதல் நடத்தியது, பள்ளி நிர்வாகம் ஏவிவிட்ட வன்முறைக் கும்பல் என தெரியவந்துள்ளது. தாக்குதல் நடத்திய கும்பலை காவல்துறையினர் கைது செய்து இருக்கின்றனர்.

ஜனநாயக நாட்டில் பத்திரிகை, ஊடகங்களுக்கு அச்சுறுத்தல் விடுவதையும், செய்தியாளர்கள் மீது கொலைவெறித் தாக்குதல் நடத்துவதையும் பொறுத்துக் கொள்ள முடியாது. அவர்களை சட்டத்தின் முன் நிறுத்தி கடுமையான தண்டனை வழங்க வேண்டும் என்று வலியுறுத்துகின்றேன்” என்று தெரிவித்துள்ளார். 

வைகோவின் 56 ஆண்டுக்கால வாழ்க்கை வரலாற்றைச் சித்தரிக்கும் மாமனிதன் வைகோ என்ற ஆவணப் படத்தை நேற்று முதல்வர் மு.க.ஸ்டாலின் வெளியிட்டார். இந்த நிகழ்வில் பல்வேறு கட்சியின் தலைவர்களும் திரை பிரபலங்களும் கலந்து கொண்டனர். 

இந்த விழாவில் ஏற்புரை ஆற்றிய வைகோ "இந்துத்துவா சக்திகள் சனாதன சக்திகள் சூழ்ந்து வருகிறது. அவற்றை முறியடிக்க மதச்சார்பற்ற சக்திகள்  முன்பை விட வேகமாக போராட வேண்டும்.  தமிழக ஆளுநர்  போட்டி ஆட்சி நடத்துகிறார். மசோதாக்களைத் தூக்கி குப்பையில் போடுகிறார். சமஸ்கிருதம் தான் படிக்க வேண்டும் இந்தி தான் படிக்க வேண்டும் என்று சொல்லுகிறார். ஆங்கிலத்துக்கு இடம் இல்லை என்று சொல்லுகிறார். 

குருகுல கல்வியை கொண்டு வருவோம் என்று சொல்லுகிறார். இதை எல்லாம் எதிர்க்க முறியடிக்க  மதச்சார்பற்ற சக்திகள் முன்பைவிட வேகமாகப் போராட வேண்டும். நிச்சயம் அவர்களை முறியடிப்போம். இது திராவிட இயக்க பூமி. ரத்தமும் கண்ணீரும் சிந்தி இந்த இயக்கத்தை நாங்கள் கட்டி காத்து வந்திருக்கிறோம். அவ்வளவு எளிதில் எங்களை வீழ்த்தி விட முடியாது"  என்று கூறினார். 

வைகோவின் 56 ஆண்டு கால வாழ்க்கை வரலாற்றை சித்தரிக்கும் மாமனிதன் வைகோ என்ற ஆவணப் படத்தை நேற்று முதல்வர் மு.க.ஸ்டாலின் வெளியிட்டு உரையாற்றினார். அப்போது பேசிய அவர், உரைவீச்சால் அரசியலின் ஆழத்தையும் நெடும் பயணத்தினால் தமிழகத்தினை அளந்தவர் வைகோ" என குறிப்பிட்டார்.

மேலும் பேசிய அவர் "திரைப்படத்தில் காட்டக்கூடிய ஹீரோக்கள் சித்தரிக்கப்பட்டு காட்டப்படுபவர்கள். ஆனால் சித்தரிக்கப்படாத ஹீரோவாக வைகோ செயல்பட்டார். அவர் ரியல் ஹீரோ லட்சிய ஹீரோ ஒரு வரியில் சொல்ல வேண்டுமானால் அவர் போராளி ஹீரோ. பொடா சட்டத்தில் கைது செய்யப்பட்டு சிறையில் இருந்த போதும் கூட வைகோ குகையில் இருந்த சிங்கம் போல் இருந்தார். ஒரு நாடாளுமன்றத் தேர்தலில் மதிமுகவுடன் கூட்டணியாக திமுக போட்டியிட்டது. அந்த ஒப்பந்தத்தில் கையெழுத்து வாங்குவதற்காக சிறைக்கு சென்றோம். ஒப்பந்தத்தை படித்து கூட பார்க்கவில்லை.  கலைஞர் சொல்லிவிட்டார். கையெழுத்து போடுகிறேன் என சொன்னார்.

"அவர் உயரத்தில் மட்டும் உயர்ந்தவர் அல்ல. கொள்கையில் உயர்ந்தவர் லட்சியத்தில் உயர்ந்தவர். தியாகத்திலும் உயர்ந்தவர் அண்ணன் வைகோ திமுக சார்பில் நடைபெற்ற மாநாட்டில் வைகோவின் பேச்சிற்கு மிகுந்த வரவேற்பு இருக்கும். 56 ஆண்டு கால அரசியல் வாழ்வை ஒன்றரை மணிநேரத்தில் நிச்சயமாக கொண்டு வந்து சேர்க்க முடியாது" என பாராட்டி பேசினார்.