ரஜினி ரசிகர்கள் மோதல் வேன்கள் கண்ணாடி உடைப்பு!!

மதுரை மத்திய சிறையில் இருந்து பிணையில் வெளியே வந்த மருது சேனை கட்சியின் பிரமுகரும், கடந்த சட்டமன்றத் தேர்தலில் திருமங்கலம் சட்டமன்றத் தொகுதியில் அ.ம.மு.க. கூட்டணியில் போட்டியிட்ட வேட்பாளருமான ஆதிநாராயணனுக்கு, அவரது ஆதரவாளர்கள் குடம் குடமாய் பாலாபிஷேகம் செய்யும் காட்சி சமூக வலைதளங்களில் வைரலாகி வருகிறது.

கடந்த தமிழக சட்டமன்றத் தேர்தலில் மதுரை மாவட்டம், திருமங்கலம் சட்டமன்றத் தொகுதியில் அம்மா மக்கள் முன்னேற்றக் கழகக் கூட்டணியில் மருது சேனை கட்சியும் போட்டியிட்டது. வேட்பாளராக அக்கட்சியின் முக்கிய பிரமுகர் ஆதிநாராயணன் போட்டியிட்டார். அதே தொகுதியில் போட்டியிட்ட அ.தி.மு.க.வைச் சேர்ந்த முன்னாள் அமைச்சர் ஆர்.பி.உதயகுமாருக்கு எதிராக கடும் பரப்புரை மேற்கொண்டார். சட்டமன்றத் தேர்தல் முடிவடைந்த நிலையில் கொலை வழக்கு காரணமாக மதுரை மத்திய சிறையில் ஆதிநாராயணன் அடைக்கப்பட்டார்.

கடந்த சில மாதங்களுக்கு முன்பு மதுரை மத்திய சிறையில் ஆதிநாராயணனை முன்னிலைப்படுத்தி கலவரம் நடைபெற்றது குறிப்பிடத்தக்கது. இந்நிலையில் அக்குறிப்பிட்ட கொலை வழக்கில் ஆதிநாராயணனுக்கு பிணை கிடைத்த நிலையில், நேற்று சிறையிலிருந்து வெளியே வந்தார். அப்போது அவரது ஆதரவாளர்கள் பெரும் திரளாக திரண்டு வந்து வரவேற்பு கொடுத்தனர். அதுமட்டுமன்றி குடம் குடமாய் அவர் மீது பாலைக் கொட்டி அபிஷேகம் செய்தனர். மேலும் 50- க்கும் மேற்பட்ட ஆளுயர மாலைகளை அணிவித்து ஆதிநாராயணனுக்கு தங்களது ஆதரவை தெரிவித்துக் கொண்டனர்.

மதுரை மத்திய சிறையில் இருந்து புறப்பட்ட அவரது ஆதரவாளர்களுடனான பேரணி, மதுரை தோப்பூர் சுங்கச்சாவடியைக் கடந்து எவ்வித தடையுமின்றி கார்களின் அணிவகுப்பு சென்றதை பொதுமக்கள் மிகுந்த வியப்புடன் பார்வையிட்டனர். இது குறித்த காணொளி சமூக வலைத்தளங்களில் வைரலாகி வருகிறது. 

சொத்துக் குவிப்பு வழக்கில் சிறைத் தண்டனை பெற்ற சசிகலா, கடந்த 27- ஆம் தேதி விடுதலை செய்யப்பட்டார். இருப்பினும் கரோனா பாதிப்பு காரணமாக, கடந்த 10 நாட்களாக பெங்களூருவில் உள்ள விக்டோரியா அரசு மருத்துவமனையில் சிகிச்சைப் பெற்று வரும் சசிகலாவின் உடல்நிலையில் நல்ல முன்னேற்றம் ஏற்பட்டதைத் தொடர்ந்து அவர் இன்று (31/01/2021) காலை 10.00 மணிக்கு டிஸ்சார்ஜ் செய்யப்படுவார் என மருத்துவமனை நிர்வாகம் தெரிவித்துள்ளது. மேலும், மருத்துவர்களின் அறிவுறுத்தலின் பேரில், பெங்களூருவில் சில நாட்கள் சசிகலா தனிமைப்படுத்திக்கொள்வார் என்றும், பின்பு பிப்ரவரி முதல் வாரத்தில் தமிழகம் திரும்புவார் என்று தகவல் கூறுகின்றன.

இந்த நிலையில், சிறையிலிருந்து விடுதலையான சசிகலாவுக்கு கர்நாடகாவில் இருந்து தமிழகம் வரை சாலைகளில் உற்சாக வரவேற்பு அளிக்க, அதற்கான ஏற்பாடுகளை அ.ம.மு.க.வினர் செய்து வருகின்றனர்.

அதேபோல், சசிகலாவின் விடுதலையை வரவேற்று தமிழகத்தின் பல்வேறு பகுதிகளில் அ.தி.மு.க.வை சேர்ந்த சிலரும் போஸ்டர் ஒட்டி வருகின்றனர். அதன் தொடர்ச்சியாக, தேனி மாவட்டம், ஆண்டிப்பட்டியில் அ.தி.மு.க. கட்சியின் ஆண்டிப்பட்டி ஒன்றிய இளைஞரணி தலைவர் சின்ன ராஜா என்பவர் சசிகலாவை வரவேற்கும் விதமாக போஸ்டர்களை ஒட்டி உள்ளார்.

அ.தி.மு.க.வில் இருந்து கொண்டு சசிகலாவை வரவேற்று போஸ்டர் ஒட்டுபவர்கள் அந்த கட்சியில் இருந்து நீக்கப்பட்டு வரும் நிலையில், மேலும் ஒரு அதிமுக நிர்வாகி சசிகலாவை வரவேற்று போஸ்டர் ஒட்டியுள்ளது, அ.தி.மு.க.வினரிடையே பெரும் பரபரப்பை ஏற்படுத்தியுள்ளது.
 

கோவையை அடுத்த சிறுவாணி சாலை போளுவாம்பட்டி நரசிபுரம் பிரிவு பகுதியில் யானை மிதித்து ஒருவர் பரிதாபமாக உயிரிழந்தார். போளுவாம்பட்டி நரசிபுரம் பிரிவு பகுதியில் பூண்டி மத்தி பீட்டுக்கு உட்பட்ட நரசிபுரத்தில் இருந்து தாமனம்புதூர் செல்லும் வழியில், சாலை ஓரத்தில் உள்ள ஓடை அருகில் சுமார் 40 வயதுடைய அடையாளம் தெரியாத நபர் காட்டு யானை தாக்கி இறந்ததாக, நேற்று (29.01.2021) காலை 7.30 மணியளவில் அப்பகுதியில் உள்ள விஸ்வாமித்திரர் கோவில் பூசாரி  வனத்துறையினருக்கு தகவல் தெரிவித்தார்.

இதையடுத்து வனத்துறை அலுவலர் ஆசிஃப் சம்பவ இடத்திற்குச் சென்று விசாரணை நடத்தினார். முதல் கட்ட விசாரணையில் போளுவாம்பட்டி காப்புக்காட்டு பகுதியில் பிணம் கிடந்தது தெரியவந்தது. மேலும் இறந்த நபர் இந்தச் சுற்றுவட்டாரப் பகுதியைச் சார்ந்தவர் அல்ல என்பதும் தெரியவந்தது

இந்த நபர் அடிக்கடி சம்பவ இடத்தில் இருந்து ஒரு கிலோமீட்டர் தொலைவில் இருக்கும் விஸ்வாமித்திரர் கோவில் பகுதிக்கு அடிக்கடி வந்து செல்வார் என்ற தகவல் கிடைத்ததை அடுத்து, அந்தக் கோவில் பூசாரி கணேஷ் என்பவரிடம் வனதுறையினர் விசாரணை செய்ததில், இறந்த நபர் எல்ஐசி காலனி பகுதியைச் சேர்ந்த கார்த்திக் (45) என்பதும் இவர் பெயிண்டிங் வேலை செய்து வந்தவர் என்பதும் தெரிய வந்தது.

மேலும் இந்த நபர் கோயிலுக்கு அடிக்கடி வருபவர் என்றும், முழுவதும் சாராயம் குடித்து விட்டு இங்கு வந்து சுற்றிக்கொண்டிருப்பார் என்றும் பூசாரி தெரிவித்துள்ளார். நேற்று இரவு சுமார் 10.30 மணி அளவில் புதூர் கிராமத்தில் ஒரு ஒற்றை காட்டு யானை சுற்றிக்கொண்டிருப்பதாக வந்த தகவலை அடுத்து, இரவு ரோந்து பணி குழுவினர் உடனடியாக சம்பவ இடத்திற்கு விரைந்து சென்று அந்தக் காட்டு யானையை வேட்டைக்காரன் கோவில் வனப்பகுதிக்கு திருப்பி அனுப்பியுள்ளனர்.

அதற்கு முன்னதாக கார்த்திக், யானை தாக்கி இறந்த சம்பவம் நடந்திருக்க வாய்ப்புள்ளதாக வனவர் தெரிவித்துள்ளார். இதையடுத்து உடனடியாக ஆம்புலன்ஸ் வரவழைக்கப்பட்டு இறந்துபோன கார்த்திக் உடலை கோவை அரசு மருத்துவமனைக்கு பிரேத பரிசோதனைக்காக கொண்டுசென்றனர்.

இந்தியாவில் வருடந்தோறும் நடக்கும் ஐபிஎல் திருவிழா, கரோனா தொற்று காரணமாக கடந்த வருடம் ஐக்கிய அரபு எமிரேட்ஸில் நடைபெற்றது. இந்த வருடத்திற்கான ஐபிஎல் இந்தியாவிலேயே நடக்கும் என எதிர்பார்க்கப்படுகிறது. இதனைத்தொடர்ந்து நடைபெற உள்ள ஏலத்துக்கு தயாராகும் வகையில் ஐபிஎல் அணிகள், தங்கள் அணி வீரர்களை விடுத்துள்ளன. ஐபிஎல் அணிகள் விடுவித்த வீரர்களின் பட்டியல் தற்போது வெளியாகிவுள்ளது.

நடப்பு சாம்பியன்ஸ் மும்பை இந்தியன்ஸ் அணி மலிங்கா, குல்டர்நைல், பேட்டின்சன், மெக்லானகன், ரூதர்போர்ட், பல்வந் ராய், திக்விஜய் தேஷ்முக் ஆகியோரை விடுவித்துள்ளது.

சென்னை சூப்பர்கிங்ஸ் அணி முரளி விஜய், கேதார் ஜாதவ், மோனு சிங், ஹர்பஜன் சிங், ஷேன் வாட்சன், பியூஸ் சாவ்லா ஆகியோரை விடுவித்துள்ளது.

ராயல் சேலஞ்சர்ஸ் பெங்களூரு அணி கிறிஸ் மோரிஸ், ஆரோன் பிஞ்ச், மொயீன் அலி, இசுரு உதனா, டேல் ஸ்டெயின், சிவம் துபே , உமேஷ் யாதவ், பவன் நெகி, குர்கீரத் மான், பார்த்திவ் படேல் ஆகியோரை விடுவித்துள்ளது.

சன் ரைசர்ஸ் ஹைதராபாத் அணி சஞ்சய் யாதவ், பி சந்தீப், பில்லி ஸ்டான்லேக், ஃபேபியன் ஆலன், பிருத்விராஜ் ஆகியோரை விடுவித்துள்ளது.

கிங்ஸ் 11 பஞ்சாப் அணி மேக்ஸ்வெல், கருண் நாயர், ஹார்டஸ் வில்ஜோன், ஜகதீஷா சுசித், முஜீப் உர் ரஹ்மான், ஷெல்டன் காட்ரெல், ஜிம்மி நீஷம், கிருஷ்ணப்பா கவுதம், தாஜிந்தர் சிங் ஆகியோரை விடுவித்துள்ளது.

கொல்கத்தா நைட் ரைடர்ஸ் அணி எம் சித்தார்த், நிகில் நாயக், சித்தேஷ் லாட், கிறிஸ் கிரீன், டாம் பான்டன் ஆகியோரை விடுவித்துள்ளது.

ராஜஸ்தான் ராயல்ஸ் அணி ஸ்டீவ் ஸ்மித், டாம் கரன், ஓஷேன் தாமஸ், அங்கித் ராஜ்பூத், வருண் ஆரோன், ஷாஷாங்க் சிங், அனிருத் ஜோஷி, ஆகாஷ் சிங் ஆகியோரை விடுவித்துள்ளது.

டெல்லி கேப்பிட்டல்ஸ் அணி அலெக்ஸ் கேரி, கீமோ பால், சந்தீப் லாமிச்சேன், துஷார் தேஷ்பாண்டே, மோஹித் சர்மா ஆகியோரை விடுவித்துள்ளது.

ஏமன் நாட்டில் புதிதாக உருவாகியுள்ள அரசாங்கத்தின் அமைச்சர்கள் மற்றும் உயர் அதிகாரிகள், அண்டை நாடான சவுதி அரேபியாவிலிருந்து தங்கள் நாட்டிற்கு திரும்பியதும், அவர்களைக் குறி வைத்து தாக்குதல் நடைபெற்றுள்ளது.

சவுதி அரேபியாவிலிருந்து ஏமன் அமைச்சர்கள் மற்றும் உயர் அதிகாரிகள் ஆகியோர் வந்த விமானம் தரையிறங்கியதும் நடத்தப்பட்ட இந்த தாக்குதலில் 30 பேர் பலியானோதோடு, 50க்கும் மேற்பட்டோர் காயமடைந்துள்ளனர்.

இந்த தாக்குதலில் அமைச்சர்கள் யாரும் பாதிப்படையவில்லை என்று அறிவித்துள்ள ஏமன் அரசு, ஹவுத்தி மிலிட்டா என்ற அமைப்பு இந்த தாக்குதலை நடத்தியதாகவும், இந்த அமைப்புக்கு ஈரான் ஆதரவு அளித்து வருவதாகவும் குற்றம் சாட்டியுள்ளது.