செவ்வாய் தோஷத்திற்கு இவ்வளவு ஈஸியான பரிகாரங்களா? - ஜோதிடர் கூறும் எளிய பரிகாரங்கள் 

கந்தர்வ நாடி ஜோதிடரான லால்குடி கோபாலகிருஷ்ணன், நக்கீரனின் ஆன்மிக யூடியூப் சேனலான 'ஓம் சரவண பவ'வில் ஆன்மிகம் குறித்து தொடர்ந்து பேசிவருகிறார். அந்த வகையில், மூச்சுக்காற்று குறித்தும் பிராணாயாமம் குறித்தும் அவர் பகிர்ந்து கொண்டவை பின்வருமாறு... 

“இன்றைக்கு எல்லோருக்கும் நிறைய பிரச்சனைகளும் நிறைவேறாத ஆசைகளும் உள்ளன. நம்முடைய மூச்சுக்காற்றைப் பயன்படுத்தியே அதை எப்படி சரி செய்துகொள்ளலாம் என்பது பற்றி பார்க்கலாம். 

மூச்சுக்காற்றுக்கும் மனதுக்கும் நெருங்கிய தொடர்பு இருக்கிறது. பயமாக இருக்கும்போது மூச்சுக்காற்று தடைபடுகிறது. மனம் சஞ்சலப்படும்போது மூச்சுக்காற்றும் சலனமடையும். உடலையும் மனதையும் இணைக்கக்கூடியது மூச்சுக்காற்று. வலது கால் பெருவிரலில் இருந்து கிளம்புவது சூரியகலை. இடது கால் பெருவிரலில் இருந்து கிளம்புவது சந்திர கலை. சித்தர்களின் இலக்கியத்தில் மூச்சுக்காற்று கால் என்று  பெருமைப்படுத்தப்படுகிறது. சிதம்பரத்தில் நடராஜர் வேறு காலால் ஆடுவதையும் மதுரையில் கால் மாற்றி ஆடுவதையும் பார்க்க முடியும். ஆண் தன்மையைக் குறிக்கக்கூடியது சிதம்பர நடனம். பெண் தன்மையைக் குறிக்கக்கூடையது மதுரை.

சூரியன் ஆண்; சந்திரன் பெண். வலது கால் மீது இடதுகாலை போட்டு அமர்ந்தால் சூரிய ஆற்றல் அதிகமாகும். இடது கால் மீது வலது காலை போட்டுக்கொண்டு அமர்ந்தால் சந்திர ஆற்றல் அதிகமாகும். வலது கால் மீது இடது கால் போட்டு அமர்பவர்கள் ஆதிக்க சக்தியாக இருப்பார்கள். மூச்சுக்காற்று ஒருநாளைக்கு 21,600 முறை நிகழ்கிறது. 10,800 உள்வாங்குதலும் 10,800 வெளியிடலும் இதில் அடங்கும். இந்த 21,600 மூச்சுக்காற்றுகளை விளக்குவதற்காக சிதம்பரம் பொன்னம்பலத்தில் 21,600 தங்க ஓடுகள் பொறிக்கப்பட்டுள்ளன. மூச்சுக்காற்றியின் அவசியத்தை பல இடங்களில் சித்தர்கள் வலியுறுத்தியுள்ளனர்.

“காற்றைப் பிடிக்கும் கணக்கறிவாளர்க்கு கூற்றை யுதைக்குக் குறியதுவாமே” என்பது திருமூலரின் வாக்கு. காலை 4 மணிக்கு நம்முடைய மூச்சு எந்தப் பக்கமாக வெளியேறுகிறது என்பதை வைத்து அன்றைக்கு நம்முடைய வாழ்க்கையில் என்ன நடக்கும் என்பதை சொல்லிவிடமுடியும். இதைத்தான் சரஜோதிடம் என்பார்கள். முறையான மூச்சுப்பயிற்சி செய்தால் நம்முடைய தனிப்பட்ட ஆற்றல் பிரபஞ்ச சக்தியாக விரிவடையும். முறையான மூச்சுப்பயிற்சி செய்தால் நம்முடைய உடல் புல்லாங்குழல்; இல்லாவிட்டால் நம்முடைய உடல் அடுப்பு ஊதும் குழல். 

மூச்சு விடுதலில் மூன்று நிலைகள் உள்ளன. மூச்சை உள்ளே இழுப்பது(பூரகம்), இழுத்த மூச்சை உள்ளே தக்க வைப்பது(கும்பகம்), தக்க வைத்த மூச்சை வெளியே விடுவது(ரேசகம்). இதைத்தான் பிராணாயாமம் என்கிறார்கள். இதை மாறிமாறி நாம் செய்யும்போது மூச்சு நாடி சுத்தமாகிறது. இடது நாசி வழியாக நான்கு வினாடிகள் சுவாசத்தை உள்ளிழுத்து, அதை 16 வினாடிகள் தக்க வைத்து, அதை வலது நாசி வழியாக 8 வினாடிகள் வெளியிட்டால் அது ஒரு சுழற்சி எனப்படும். இதுபோல 21 சுழற்சி செய்தால் நம்முடைய உடலும் மனமும் தூய்மையடையும். திங்கள், புதன், வெள்ளிக்கிழமைகளில் வலது நாசி வழியாக இழுத்து இடது நாசி வழியாக வெளியிட வேண்டும். செவ்வாய், சனி, ஞாயிறு ஆகிய கிழமைகளில் இடது நாசி வழியாக இழுத்து வலது நாசி வழியாக வெளியிட வேண்டும். வியாழக்கிழமை அன்று வளர்பிறையாக இருந்தால் வலது நாசி வழியாக இழுத்து இடது நாசி வழியாக வெளியிட வேண்டும். தேய்பிறையாக இருந்தால் இடது நாசி வழியாக இழுத்து வலது நாசி வழியாக வெளியிட வேண்டும். 

தொடர்ந்து இதை செய்யும்போது நம்முடைய ஆசையும், பிரார்த்தனையும் காற்றில் கலந்து உரிய இடத்தைச் சென்றடையும். அப்படியென்றால் காற்றின் மூலம் ஒருவரை கட்டுப்படுத்த முடியுமா, வசியம் செய்ய முடியுமா என்றால் முடியும். காரணம், அரசன் முதல் ஆண்டி வரை அனைவருமே காற்றின் மூலமாக தொடர்பு படுத்தப்பட்டுள்ளார்கள். ஒருவர் நமக்கு அடிபணிய வேண்டும் என்று நினைத்து இதை நாம் செய்தால் நிச்சயம் அவர் நமக்கு அடிபணிவார். வயிற்றில் காற்றை அடைத்து வைத்திருக்கும் கும்பக நிலையில் ஓம் என்ற மந்திரத்தை உச்சரித்தால் 10,800 ஜெபம் செய்வதற்கு சமமாகும். சித்தர்களின் இந்த சூட்சம ரகசியத்தை பின்பற்றி அனைவரும் பலன்பெறுங்கள்”. 

கந்தர்வ நாடி ஜோதிடரான லால்குடி கோபாலகிருஷ்ணன், நக்கீரனின் ஆன்மிக யூடியூப் சேனலான 'ஓம் சரவண பவ'வில் ஆன்மிகம் குறித்து தொடர்ந்து பேசிவருகிறார். அந்த வகையில், கணவன், மனைவி இடையேயான ஒற்றுமையை அதிகரிப்பதற்கான பரிகாரங்கள் குறித்து அவர் பகிர்ந்து கொண்டவை பின்வருமாறு... 

“நிறைய குடும்பங்களில் கணவன், மனைவிக்கு இடையே ஒற்றுமை இல்லை. ஏதாவது ஒரு சண்டை, சச்சரவு இருந்துகொண்டே உள்ளது. இதற்கு என்ன காரணம்? ஒருவரது ஜாதகத்தில் இரண்டாம் இடமும், ஏழாவது இடமும் பலமிழந்து காணப்பட்டாலும், எட்டாம் இட அஷ்டம ஸ்தானம் கெட்டுப்போனாலும் குடும்பத்தில் ஒற்றுமை இருக்காது. பொதுவாக மனைவி அமைவதெல்லாம் இறைவன் கொடுத்த வரம்; கணவன் அமைவதெல்லாம் கடவுள் கொடுத்த வரம் என்பார்கள். சில நேரங்களில் கணவன், மனைவி பிரச்சனை நீதிமன்றம்வரை சென்றுவிடுகிறது. என்ன பரிகாரம் செய்தால் பிரச்சனைகள் நீங்கி குடும்பத்தில் அமைதி உண்டாகும் என்பதைப் பார்க்கலாம்.

குருவாயூர் கோவிலில் ராசலீலா என்ற நடனம் நடத்தப்படுகிறது. திருமண நாளில் அங்கு சர்க்கரை துலாபாரம் செலுத்தினால் குடும்பப்பிரச்சனை நீங்கும். மாங்கோட்டுகாவு என்ற இடத்தில் உள்ள பகவதி கோவிலில் இடைக்கலசம் என்ற பூஜையைச் செய்து அதை வீட்டில் வைத்து வழிபட்டால் நல்ல பலன் கிடைக்கும். இந்தப் பரிகாரத்தால் பலரும் பலன்பெற்றுள்ளனர். 

வளர்பிறை பிரதோச காலத்தில் சிவன் கோவிலில் அம்மன் சந்நிதியில் தாலிக்கயிற்றை பூஜை செய்து திருமணமான பெண்களுக்கு பிரசாதமாக வழங்கினால் நல்ல பலன் கிடைக்கும். கும்பகோணம் அருகேயுள்ள திருசக்திமுற்றம் சென்று வழிபட்டால் பிரிந்த தம்பதிகள் சேர்வதற்குகூட வாய்ப்புகள் உருவாகும். 

திருப்பதி அலர்மேல் மங்கை தயாரின் திருமண கோலத்தை தரிசித்தால் குடும்ப ஒற்றுமை அதிகரிக்கும். எந்த சிவன் கோவிலாக இருந்தாலும் இரவில் நடக்கும் பள்ளியறை பூஜையை ஒரு மாதம் தரிசித்தால் கணவன், மனைவி இடையேயான கருத்து வேறுபாடுகள் நீங்கும். 

கேரளாவின் ஐயப்பன் கோவில், குருவாயூர் கோவிலில் ஐக்கிய மத்திய புஷ்பாஞ்சலி பூஜை நடைபெறும். அதில் கலந்துகொள்வதும் நல்ல பலனைத் தரும். அதேபோல, ரோஜா நிறத்தில் இருக்கும் சிவலிங்கத்தை வீட்டில் வைத்து தினமும் பூஜை செய்தால் கணவன், மனைவி ஒற்றுமை அதிகமாகும். 

நான் மேற்கூறிய பரிகாரங்கள் அனைத்தும் பொதுவான பரிகாரங்கள். அவரவர் ஜாதகங்களை ஜோதிடரிம் கொடுத்து வேறு தோஷங்கள் ஏதேனும் இருந்தால் அதனையும் நீக்கிக்கொள்ள வேண்டும். அதன் மூலம் இல்லற வாழ்க்கையில் உள்ள சிக்கல்கள் நீங்கி, கணவன், மனைவி இடையேயான ஒற்றுமை அதிகரித்து, குடும்ப ஒற்றுமை மேலோங்கும்”. 

கந்தர்வ நாடி ஜோதிடரான லால்குடி கோபாலகிருஷ்ணன், நக்கீரனின் ஆன்மிக யூடியூப் சேனலான 'ஓம் சரவண பவ'வில் ஆன்மிகம் குறித்துத் தொடர்ந்து பேசிவருகிறார். அந்த வகையில், பார்த்தாலே பலன் தரக்கூடிய விஷயங்கள் குறித்து அவர் பகிர்ந்து கொண்டவை பின்வருமாறு... 

"பார்த்தாலே பலன் தரக்கூடிய விஷயங்கள் பற்றி இன்று பார்ப்போம். அபிஷேகம், ஆராதனை போன்ற விஷயங்களைச் செய்யாமல் சில பொருட்களை சாதாரணமாக பார்த்தாலே நல்ல பலன்கள் கிடைக்கும்; வாழ்க்கையில் செல்வ செழிப்பு உண்டாகும். 

காலையில் எழுந்தவுடன் பசுவை பார்த்தால் அன்றைய நாள் முழுவதும் சிறப்பாக இருக்கும். குறிப்பாக பழுப்பு நிறத்தில் இருக்கும் கபிலைப்பசுவை வெள்ளிக்கிழமைகளில் பார்த்தால் செல்வம் அதிகமாகும். குபேரனின் அருள் கிடைக்கும். 

ஒவ்வொரு அமாவாசைக்குப் பிறகும் மூன்றாம் பிறை நாள் விசேஷமானது. அந்த நாளில் இரவு வருவதற்கு முன்னதாகவே இந்தப் பிறை தோன்றும். இந்த மூன்றாம் பிறையைத்தான் சிவபெருமான் தன்னுடைய தலை முடியின் மேல் வைத்திருக்கிறார். பிரதி மாதம் இந்த மூன்றாம் பிறையைத் தரிசித்தால் மனக்கஷ்டம் நீங்கும். 

கருட தரிசனத்தை காணும் போது முன் ஜென்ம வினைகள் நீங்கும். ஞாயிறன்று கருட தரிசனம் செய்தால் நோய்கள் நீங்கும். திங்கட்கிழமை கருட தரிசனம் செய்தால் குடும்ப நலம் பெருகும். தினமும் அதிகாலை சூரிய உதயத்தின்போது கருடனை தரிசித்தால் நினைத்த காரியங்கள் ஈடேறும்.

மாலை நேரங்களில் கூடு திரும்பும் பறவைக் கூட்டத்தை தரிசித்தால் வாழ்க்கையில் வெற்றி கிடைக்கும். அந்தப் பறவை கூட்டத்தை பார்க்கும்போது நாம் மனதில் என்ன நினைக்கிறோமோ அந்தக் காரியம் வெற்றியடையும். இது போன்ற ஒரு தருணத்தில்தான் ராமகிருஷ்ண பரமஹம்சருக்கு தெய்வீக அருள் கிடைத்தது.

சீர்மேவும் குரு பாதத்தை சிந்தையில் வைத்தாருக்கு குறை ஒன்றுமில்லை என்பார்கள். குரு மார்களின் பாதத்தை தினமும் தரிசித்தால் நம்முடைய பிரச்சனைகள் நீங்கும். பெருமாளின் பாதத்தை வணங்குவது மரபாக உள்ளது. எந்தத் தெய்வத்தையும் முதலில் பாதத்தை பார்த்த பிறகே வழிபட ஆரம்பிக்க வேண்டும். 

ஒவ்வொரு மாதமும் பௌர்ணமி நாளில் சமுத்திர தரிசனம் செய்தால் சந்திரனின் பலம் அதிகரிக்கும். இது மனதில் உள்ள சங்கடங்கள் நீங்க உதவும். கன்னியாகுமரியில் முக்கடல் சங்கமத்தில் மகாசமுத்திர தரிசனமும் தீர்த்த ஆரத்தியும் நடைபெறும். அதில் கலந்துகொள்ளும்போது சங்கடங்கள் நீங்கி வெற்றிமேல் வெற்றி நமக்கு வந்து சேரும். நான் மேற்சொன்னவற்றை தரிசனம் செய்து அனைவரும் பலன் பெறுங்கள்".

கந்தர்வ நாடி ஜோதிடரான லால்குடி கோபாலகிருஷ்ணன், நக்கீரனின் ஆன்மிக யூடியூப் சேனலான 'ஓம் சரவண பவ'வில் ஆன்மிகம் குறித்துத் தொடர்ந்து பேசிவருகிறார். அந்த வகையில், நந்தி வழிபாடு குறித்து அவர் பகிர்ந்து கொண்டவை பின்வருமாறு... 

சிவபெருமானுக்கும் நமக்கும் நடுவில் இருப்பது நந்தி பகவான். நந்தி தேவனின் அனுமதி பெற்றுத்தான் சிவனை வழிபட வேண்டும் என்பது மரபு. நந்தி என்றால் பிறரை மகிழ்விப்பவன் என்று அர்த்தம். தமிழ்நாட்டில் நந்தி வழிபாடு காலங்காலமாக இருந்ததற்கு பல்லவர்களின் கொடியும் அவர்களது அரசு சின்னமுமே சாட்சி. நந்தி வழிபாட்டின் முக்கியத்துவம் என்ன?

திருமணம், கல்வி, கட்டிடம், தொழில் ஆகியவற்றில் ஏற்படும் தடைகளை நீக்குவதற்கு நந்தி வழிபாடு அவசியம். தடைகளை போக்கும் வல்லமை கொண்டவர் நந்தி தேவன். நந்தியில் அதிகார நந்தி, பரிகார நந்தி என இரண்டு வகைகள் உள்ளன. பரிகார நந்தி வழக்கான நந்தியைப்போலச் சிவனுக்கு எதிர்புறம் இல்லாமல் திரும்பி இருக்கும். இத்தகைய நந்தி உள்ள கோவில்களில் வழிபாடு செய்தால் உடனடியாக பலன் கிடைக்கும். 

கும்பகோணத்திற்கு அருகே திருவைகாவூர் வில்வனேஸ்வரர் கோவிலில் இது போன்ற நந்தி உள்ளது. வேலூர் மாவட்டம் திருவல்லம் வில்வநாதேஸ்வரர் கோவிலிலும், விருத்தாச்சலத்தில் சுடர் கொழுந்தீஸ்வரர் கோவிலிலும், சென்னையில் திருமுல்லைவாயில் மாசிலாமணி நாதர் கோவிலிலும் இந்த அமைப்பைக் கொண்ட பரிகார நந்தி உள்ளது. உடனடியாக தடைகள் நீங்கி பலன் கிடைக்க பரிகார நந்தி வழிபாடு உதவும். 

செல்வாக்கு, தொழிலில் மேன்மை, அரசியலில் செல்வாக்கு கிடைக்க அதிகார நந்தியை வணங்க வேண்டும். வேலூர் மாவட்டம் ஆம்பூருக்கு அருகே சென்னப்ப மலையடிவாரத்தில் சூரிய நந்தீஸ்வரர் ஆலயம் உள்ளது. இந்தக் கோவிலில் வழிபாடு செய்தால் பொதுமக்களின் செல்வாக்கை அதிகம் பெறலாம். அரசியலிலும் வெற்றிபெறலாம். கன்னியாகுமரியில் நந்திக்கரை என்ற இடத்தில் உள்ள நந்தீஸ்வரர் கோவிலிலும், சென்னை ஆதம்பாக்கத்தில் உள்ள நந்தீஸ்வரர் கோவிலிலும் வழிபாடு செய்தால் தொழில் பிரச்சனைகள், வேலை வாய்ப்பு சம்பந்தமான பிரச்சனைகள் நீங்கி நல்ல பலன் கிடைக்கும். 

ஆந்திராவில் நந்தியால் என்ற ஊருக்கு அருகில் மகா நந்தி தலம் உள்ளது. அதைச் சுற்றி விநாயக நந்தி, கருட நந்தி, சூரிய நந்தி, சிவ நந்தி, விஷ்ணு நந்தி என ஒன்பது விதமான கோவில்கள் உள்ளன. இந்த ஒன்பது நந்தி தலங்களையும் வழிபட்டால் நல்ல புகழும் பெயரும் கிடைக்கும். இந்த இடத்திற்கு நந்தி மண்டலம் என்று பெயர். 

பொதுவாக பிரதோச காலத்தில் நந்தி தேவனுக்கு அருகம்புல் மாலையும், சிகப்பு அரிசி நிவேதனமும் விசேஷமானது. அதோடு சேர்த்து நெய் விளக்கேற்றி வழிபட்டால் கடன் நீங்கும், செல்வங்கள் பெருகும், புகழ் கூடும். மாதப்பிரதோசம் தவிர, ஒவ்வொரு நாளும் மாலை 4.30 மணி முதல் 6 மணிவரை நித்ய பிரதோஷ காலம் இருக்கும். அந்த நேரத்திலும் நந்தியை வழிபட்டால் நல்ல பலன் கிடைக்கும். 

கந்தர்வ நாடி ஜோதிடரான லால்குடி கோபாலகிருஷ்ணன், நக்கீரனின் ஆன்மிக யூடியூப் சேனலான 'ஓம் சரவண பவ'வில் ஆன்மிகம் குறித்து தொடர்ந்து பேசிவருகிறார். அந்த வகையில், கோவில் மண் வழிபாடு குறித்து அவர் பகிர்ந்து கொண்டவை பின்வருமாறு... 

”மண்ணும் பொன்னாகும் என்ற தலைப்பில் எளிமையான பரிகாரத்தைப் பற்றி உங்களுக்கு கூறுகிறேன். பொதுவாக புற்று மண், துளசிச்செடியின் மண், வில்வ மரத்தடி மண் ஆகிய மூன்று மண்களையும் வீட்டில் வைத்து பூஜை செய்தால் எல்லா வகையான தோஷங்களும் நிவர்த்தியாகும். குலதெய்வ கோவிலில் இருந்து மண்ணை எடுத்துவந்து பூஜை செய்வது பலரது வீடுகளிலும் வழக்கமாக உள்ளது. இது குலதெய்வத்தின் பரிபூரண அருளை உங்களுக்கு கிடைக்கச் செய்யும். அந்த மண்ணை துணியில் முடிச்சு போட்டு வீட்டு வாசலிலும் கட்டி வைக்கலாம். 

எந்தக் கோவிலுக்குச் சென்றாலும் அங்கிருந்து மண் எடுத்துவந்து வீட்டில் பூஜை செய்யுங்கள். அதன் மூலம், தெய்வ அனுக்கிரகம் அதிகரித்து எதிரிகள் தொல்லை நீங்கும். புற்றுமண்களிலேயே மிகவும் விஷேசமானது சங்கரன்கோவில் புற்றுமண். சங்கரன்கோவில் புற்றுமண்ணை வீட்டில் வைத்து பூஜை செய்தால் குடும்பத்தில் ஒற்றுமை அதிகரிக்கும், பிரிந்த குடும்பங்கள் ஒன்று சேரும். 

மேல்மலையனூர் அங்காள பரமேஸ்வரி கோவில் புற்றுமண்ணை பூஜை அறையில் வைத்து வழிபட்டால் செய்வினைக் கோளாறுகள் அகலும். பூத, பிசாசு தொல்லைகள் இந்த மண் இருக்கும் இடத்தை அண்டாது. கவசம்போல இருந்து நம்மை காக்கக்கூடியது மேல்மலையனூர் அங்காள பரமேஸ்வரி கோவில் புற்றுமண். திருப்பதி ஏழுமலையான் கோவிலில் இருந்தும் புற்று மண்ணை எடுத்து வந்து பூஜை செய்யும் வழக்கம் உள்ளது. அது வீட்டில் செல்வச்செழிப்பை அதிகரிக்க வழிவகுக்கும். 

வைத்தீஸ்வரன் கோவில், திருவள்ளூர் வீரராகவசாமி கோவில் புற்றுமண்ணை வைத்து பூஜை செய்தால் தீராத நோய்களும் தீரும். கம்பம் அருகேயுள்ள சாமுண்டிபுரத்தில் இருக்கும் சாமுண்டி அம்மனை வணங்கி அந்த புற்று மண்ணை எடுத்துவந்து பூஜை செய்தால் எதிரிகளின் தொல்லை அகலும். திருச்சி அருகேயுள்ள மணச்சநல்லூர் பூமிநாதர் கோவில் மண்ணை எடுத்துவந்து பூஜை செய்தால் வீடு கட்ட இருந்த தடைகள் அகன்று சொந்த வீடு யோகம் உண்டாகும்.

கயத்தாறு மண்ணும் அய்யனார் கோவில் மண்ணும் பயத்தை தீர்க்கக்கூடியது. இனம் புரியாத பயத்துடன் இருப்பவர்கள் இந்த மண்ணை எடுத்துவந்து பூஜை செய்யலாம். நம்முடைய மூதாதையர்கள் பல வருடங்களாக திதி கொடுக்காமல் இருந்தால் நமக்கு பித்ரு சாபம் உண்டாகி சண்டை சச்சரவுகள் என குடும்பத்தில் ஒற்றுமை இல்லாத நிலை ஏற்படும். அவர்கள் ராமேஸ்வரம் சென்று அக்னிதீர்த்த கடலில் இருந்து மண்ணெடுத்து வந்து பூஜை செய்ய வேண்டும். பின்னர் அலகாபாத் சென்று திரிவேணி சங்கமத்தில் அந்த மண்ணை விடவேண்டும். இந்த பித்ரு பூஜை செய்தால் எந்தவித பித்ரு சாபம் இருந்தாலும் அகன்றுவிடும். எளிமையான பரிகாரமாகிய கோவில் மண்ணை எடுத்துவந்து பூஜை அறையில் வைத்து பூஜை செய்வதன் மூலம் எல்லாவிதமான நல்ல பலன்களும் நமக்கு கிடைக்கும். அதோடு, அந்தக் கோவில் தெய்வமும் நம் வீட்டில் குடிகொள்ளும்”.